ᒥᒃᓵᓄᑦ
ᒥᒃᓵᓄᑦ ᐱᔾᔪᑎ ᖃᓄᐃᒻᒪᑦ ᐱᑕᖃᖅᐱᑕ? ᐃᓄᐃᑦ ᐃᓕᖅᑯᓯᖓᑦ ᐃᓄᐃᓪᓗ ᐊᓐᓇᐅᒪᔪᓐᓇᖁᒐᑦᑎᒍᑦ ᓄᓇᑦᑎᓐᓂᑦ, ᓄᓇᒥᑦ ᐅᖃᐅᓯᑦᑎᓐᓂᓪᓗ ᑭᖑᕚᒃᓴᑦᑎᓐᓄᑦ ᐃᓅᓯᓕᒫᒧᓪᓗ. ᐱᓕᕆᐊᒃᓴᕆᑎᑕᐅᔪᑦ ᓇᒧᙵᕐᓂᐊᖅᐱᑕ? ᐱᓕᕆᐊᒃᓴᕗᑦ, ᐱᔨᑦᑎᕋᐅᑎᕗᑦ ᐃᓂᒃᓴᐃᓪᓗ ᐃᓄᐃᑦ ᐃᓕᖅᑯᓯᖓᑎᒍᑦ, ᐅᔾᔨᕈᓱᒃᑐᒍᑦ ᐃᓅᓯᓕᒫᖅ ᐊᔪᙱᓐᓂᓕᒫᖓᓂ ᐃᑲᔪᖅᓱᐃᓂᒃᑯᑦ ᑎᒥᒃᑯᑦ, ᐃᒃᐱᒋᔭᒃᑯᑦ, ᑕᕐᓂᒃᑯᑦ ᐃᓱᒪᒃᑯᓪᓗ ᖃᓄᐃᙱᑦᑎᐊᕐᓂᒃᑯᑦ ᐃᓄᖕᓄᑦ ᓇᐅᒃᑯᓕᒫᖅ ᐃᓅᓯᓕᒫᒥ ᓴᖅᑭᑎᑦᑎᓂᒃᑯᑦ ᐱᕈᖅᐸᓪᓕᐊᑦᑎᐊᕐᓂᕐᒥᒃ, ᑲᔪᓯᔪᓐᓇᑦᑎᐊᖅᑐᓂᒃ ᓄᓇᓕᖕᓂ. ᑕᐅᑐᖅᑰᖅᑕᐅᔪᖅ ᑭᓱᓂᒃ ᐱᔪᒪᕕᑕ ᓯᕗᓂᒃᓴᑦᑎᓐᓄᑦ? ᓇᖕᒥᓂᖅ−ᓴᖅᑭᑎᑦᑎᕙᓪᓕᐊᓂᖅ, ᓇᖕᒥᓂᖅ−ᐋᖅᑭᒃᓯᒪᓕᖅᑎᑦᑎᓂᖅ ᐃᓄᐃᑦ ᐃᓅᖃᑎᒌᖕᓂᖏᓐᓂᒃ ᐊᔪᙱᑎᑦᑎᔪᓂᒃ ᐊᑕᖐᔪᒥᒃ ᐃᓅᓯᖃᕈᓐᓇᕐᓂᕐᒥᒃ ᐊᑕᓕᖅᑎᑦᑎᓗᓂ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᕆᔭᐅᔪᓂᒃ, ᐱᔪᒪᓂᖃᑦᑎᐊᕐᓂᕐᒥᒃ ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᕐᒥᒡᓗ ᐃᓄᖕᓂᒃ ᐋᖅᑭᒃᓱᐃᕙᓪᓕᐊᓂᐊᕐᓗᓂ ᑲᔪᓯᓂᖃᑦᑎᐊᕈᓐᓇᖅᑐᓂᒃ […]
ᐃᑭᓖᑦ ᒪᒥᓴᐃᔩᑦ
Tony Back from the Brink
ᐃᓕᓴᖅᓯᕕᒃ ᑲᑐᔾᔨᖃᑎᒌᖑᕗᖅ ᐃᓄᖕᓄᑦ ᐋᖅᑭᒃᓱᐃᒃᑲᓐᓂᖅᐸᒃᑐᓄᑦ ᓄᓇᓕᖕᒥᓂᒃ ᓯᕗᓂᒃᓴᒥᓂᒡᓗ.
ᐃᓕᖅᑯᓯᑐᖃᖅᑎᒍᑦ, ᓄᓇᓕᒻᒥᐅᑎᒍᑦ ᐊᐅᓚᑕᐅᕗᒍᑦ ᑮᓇᐅᔭᓕᐅᕋᓱᐊᖅᑎᐅᓇᑕ ᑲᖏᖅᑐᒑᐱᒻᒥ. ᐱᓪᓚᕆᒃᑐᒥᒃ, ᐆᒻᒪᑎᖃᖅᐳᒍᑦ ᓄᓇᓕᖕᒥᐅᓂᒃ−ᐱᓕᕆᐊᖃᖅᐸᒡᓗᑕ ᑭᓱᑐᐃᓐᓇᓂᒃ ᐱᔭᐅᔭᕆᐊᓕᖕᓂᒃ ᑕᐃᒪᐃᓕᐅᖅᐸᒡᓗᑕᓗ ᑕᒪᓐᓇᓗ ᐊᑐᖅᑕᐅᓕᕈᓐᓇᖅᖢᓂ ᐃᓄᖕᓄᑦ.
ᐃᓄᖕᓄᑦ−ᐊᐅᓚᑕᐅᔪᑦ ᐱᓕᕆᐊᒃᓴᕗᑦ ᐊᔾᔨᒌᙱᑦᑑᑎᐅᕗᑦ ᐊᑐᖅᑕᐅᒐᔪᙱᒐᔪᒃᑭᓪᓗᑎᓪᓗ.
ᐊᔾᔨᐅᖏᑦᑑᒐᑦᑕ ᐊᐅᓚᑕᐅᓪᓗᑕ ᓄᓇᓕᓐᓂ ᐃᓄᓐᓂᑦ ᐊᑭᓕᖅᓱᖅᑕᐅᖏᑦᑐᓂᑦ ᑲᑎᒪᔨᐅᓗᑎᑦ. ᐃᓕᓐᓂᐊᕈᑎᓕᒫᑦ ᐱᔨᑦᑎᕋᐅᑏᓪᓗ ᐊᐅᓚᑕᐅᔪᑦ ᐃᓄᓐᓄᑦ, ᐃᓄᑦᑎᑐᑦ.
ᐃᓄᓐᓄᑦ ᓯᕗᒃᑲᑕᖅᑕᐅᓪᓗᑎᑦ ᐃᓕᓐᓂᐊᕈᑏᑦ ᐊᔾᔨᒌᓐᖏᑦᑐᑎ ᐊᒻᒪᓗ ᐊᕕᑦᑐᖅᓯᒪᓪᓗᑎᑦ
ᒪᑯᓄᖓ ᓴᓇᕙᓪᓕᐊᓂᕐᒥᑦ ᐅᖃᓕᒫᒐᖃᕐᕕᒻᒥ ᑎᑭᓪᓗᒍ ᓱᕈᓯᕐᓄᑦ ᐅᓪᓛᕈᒻᒥᔅᓴᐃᑦ, ᐃᓄᑦᑐᑎᑦ ᐅᖃᖃᑎᖃᖃᑦᑕᕐᓂᖅ ᒪᑯᓄᖓᓗ ᐃᑦᑕᕐᓂᓴᓕᕆᓂᕐᒥᑦ ᖃᐅᔨᓴᕐᓂᒥᓪᓗ ᓴᖅᑮᕙᓪᓕᐊᓂᕐᓗ ᐃᓅᓯᓕᕆᓂᕐᒨᖓᔪᓂᒃ. ᑭᓯᓂᐊᓕ ᐱᓕᕆᐊᕗᑦ ᑕᐃᒪᐃᑦᑐᓴᐃᓐᓇᕐᒥᑦ ᐱᔾᔪᑎᖃᖅᑐᑦ − ᐃᓅᓇᓱᐊᑦᑎᐊᓂᕐᒧᑦ ᐊᒻᒪᓗ ᐃᒻᒥᒃᑯᑦ ᐱᓇᓱᐊᕐᓂᖏᓐᓄᑦ ᓄᓇᕗᒻᒥᐅᑕᕐᓄᑦ.
