ᐋᓐᓂᐊᖅᑕᐃᓕᒪᓂᖅ ᐃᓅᓇᓱᐊᑦᑎᐊᕐᓂᒧᓪᓗ ᐅᐸᑲᑦᑕᕐᕕᒃ
ᐃᓕᓴᖅᓯᕕᒃ ᐃᓄᓐᓄᑦ ᓯᕗᒃᑲᑕᖅᑕᐅᔪᖅ, ᐱᖅᑯᓯᖏᑎᒍᑦ, ᐅᖃᐅᓯᒃᑯᑦ ᓄᓇᓕᓐᓄᑦ ᐃᓕᓐᓂᐊᕈᑎᓂᒃ ᐅᖃᖃᑎᖃᖃᑦᑕᕈᓐᓇᓂᕐᒥᓪᓗ ᑲᖏᖅᑐᒑᐱᒻᒥᐅᑕᕐᓄᑦ ᐊᓯᖏᓐᓄᓪᓗ ᓄᓇᕗᒻᒥ.
ᐃᑲᔫᑎᔅᓴᐃᑦ ᐱᔨᑦᑎᕋᐅᑎᓂᓪᓗ ᒪᓕᑦᑐᑎᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪᓗ ᐃᓅᖃᑎᒌᑦᑎᐊᕐᓂᕐᒥᑦ (ᑎᒥᒃᑯᑦ ᐊᑦᑐᐊᔪᓂᒃ ᐃᓱᒪᒃᑯᑦ, ᑎᒥᐅᒃᑯᑦ, ᐅᑉᐱᓂᒃᑯᑦ ᐊᕙᑎᑦᑎᓂᓪᓗ) ᒪᒥᓴᖃᑦᑕᐸᓪᓕᐊᓲᑦ.
ᓄᓇᓕᓐᓂᑦ ᐃᓕᓐᓂᐊᕈᑏᑦ
ᓄᓇᓕᓐᓂᑦ ᐃᓕᓐᓂᐊᕈᑏᑦ ᐃᓅᓯᕐᒥᑦ ᐊᖅᑯᓵᖅᑕᐅᕙᑦᑐᓂᒃ ᐊᑐᖅᑐᑦ ᓇᔾᔨᓂᕐᒥᑦ ᐃᓐᓇᕐᒧᑦ ᑲᖏᖅᑐᒑᐱᒻᒥ. 9−ᖑᓪᓗᑎᑦ ᐃᓕᓐᓂᐊᕈᑎᔅᓴᐃᑦ ᐊᕐᕌᒎᑉ ᐃᓗᐊᓂᓕᒫᖅ ᐃᓕᓐᓂᐊᖅᑕᐅᓪᓗᑎᑦ, ᐊᒥᓱᑲᓪᓚᓂᓪᓗ ᐊᓯᖏᓐᓂ ᓯᓚ ᒪᓕᑦᑐᒍ ᐃᓕᓐᓂᐊᑎᑦᑎᓲᖑᒻᒥᔪᑦ ᐃᓕᓐᓂᐊᖅᑕᐅᒍᒪᒐᔪᑦᑐᓂᓪᓗ
ᐅᖃᑲᑎᖃᕐᓂᕐᒥᑦ ᐱᔨᑦᑎᕋᕐᓂᖏᑦ
ᐅᖃᑲᑎᖃᕐᓂᕐᒥᑦ ᐱᔨᑦᑎᕋᕐᓂᖏᑦ (ᐅᖃᖃᑎᖃᕐᓂᕐᒥᑦ, ᐃᓅᓯᓕᕆᔨᔅᓴᐅᓂᕐᒧᓪᓗ ᐃᓕᓐᓂᐊᖅᑐᑎᑦ ᑐᐊᕕᕐᓇᖅᑐᓕᕆᓂᕐᒥᓪᓗ ᑲᒪᒋᐊᖃᕐᓂᖏᓐᓂ) ᐊᒥᓱᓄᑦ ᐃᓕᓴᕆᔭᐅᓯᒪᔪᑦ—ᑕᒪᒃᑮᒃ ᓄᓇᕗᒻᒥ ᒐᕙᒪᑐᖃᒃᑯᓐᓃᓐᖔᖅᑐᑦ-ᐃᑲᔪᖅᑐᑎᑦ ᖁᐊᖅᓵᖅᓯᒪᔪᓂᒃ ᐊᒥᓲᓂᖏᓐᓂᓪᓗ ᐃᒻᒥᓃᖃᑦᑕᖅᑐᓂᒃ ᓄᓇᕗᒻᒥ.
ᓄᓇᓕᓐᓂᑦ ᐃᓕᓐᓂᐊᕈᑏᑦ
(ᐊᕐᕌᒎᑉ ᐃᓗᐊᓂ ᐃᖏᕐᕋᔪᐃᓐᓇᐃᑦ)
- ᓇᔾᔨᔪᑦ ᓂᕆᑦᑎᐊᖃᑦᑕᕆᐊᖃᕐᓂᖏᑦ (ᓇᔾᔨᔪᑦ ᐊᒫᒪᑦᑎᑦᑎᓂᕐᓗ)
- ᐊᓈᓇᐃᑦ/ᐊᖏᖅᑳᕆᔭᑦ ᐅᑭᐅᓖᓪᓗ 2−ᒥᑦ 5−ᒧᑦ
- ᐊᒫᒪᑦᑎᑦᑎᓂᕐᒧᑦ ᐃᓕᓐᓂᐊᕈᑎᒃ (ᐃᓕᓐᓂᐊᖅᑏᑦ)
- ᐅᖃᓕᒫᕆᐅᖅᓴᓂᖅ (ᐃᓄᑑᖃᑎᒋᓗᒋᑦ)
- ᐅᖃᓕᒫᒐᖃᕐᕕᒃ (ᓄᓇᓕᒃ)
- ᐃᓅᓱᑦᑐᐃᑦ ᐅᐸᑲᑦᑕᕈᓐᓇᕐᕕᖓ ᖃᖓᑐᐃᓐᓇᖅ (ᐃᓕᓐᓂᐊᕇᖅᓯᒪᓕᖅᑎᓗᒋᑦ ᐅᓐᓄᑯᓗ)
- ᐱᓐᖑᐊᕐᓇᖅ (ᐃᓕᓐᓂᐊᕐᕕᐅᑉ ᐱᓐᖑᐊᕐᕕᖓᓐᓂ)
- ᐃᓐᓇᐃᑦ ᐃᓕᓐᓂᐊᑎᑦᑎᓂᖏᑦ (ᒥᖅᓱᕆᐅᖅᓴᑎᑦᑎᔪᑦ ᐊᓯᖏᓐᓂᓪᓗ)
- ᐸᐃᕆᕕᒻᒥ ᐃᓕᓐᓂᐊᑎᑦᑎᓂᖅ (Montessori)
ᐃᓕᑦᑎᒃᑲᓐᓂᕈᒪᒍᕕᑦ ᐊᑎᓕᐅᖃᑕᐅᓗᑎᓪᓗ, ᐅᖄᓚᓗᑎᑦ 1-867-924-6565 ᐅᕝᕙᓘᓐᓃᑦ 1-888-331-4433, ᐃᕐᖐᓐᓇᒃᑰᕈᑎᒃᑯᓪᓘᓐᓃᑦ tungasugit@ilisaqsivik.ca.
ᐃᓅᓯᓕᕆᓂᖅ ᐃᓕᓐᓂᐊᕐᓂᖏᓪᓗ
ᐃᓅᓯᓕᕆᓂᖅ (ᑲᖏᖅᑐᒑᐱᒻᒥ, ᐊᓯᖏᓐᓄᓪᓗ ᐅᖓᓯᑦᑐᓂᒃ ᓄᓇᕗᒻᒥ)
ᐃᓅᓯᓕᕆᓂᖅ (ᑲᖏᖅᑐᒑᐱᒻᒥ, ᐊᓯᖏᓐᓄᓪᓗ ᐅᖓᓯᑦᑐᓂᒃ ᓄᓇᕗᒻᒥ)
ᐊᓯᖏᑦᑕᐅ ᐃᓕᓐᓂᐊᕈᑎᔅᓴᐃᑦ
- ᑕᔾᔪᑕᖅ – 28−ᓄᑦ ᐅᓪᓗᓄᑦ ᐊᔪᓕᖅᓯᒪᔪᓄᑦ ᐃᑲᔫᑎ ᓄᓇᒦᑦᑐᑎᑦ
- ᑐᐊᕕᕐᓇᖅᑐᒥᒃ ᐃᑲᔪᕐᓂᖅ ᖁᐊᖅᓵᖅᓯᒪᔪᓂᒃ
- ᐳᓚᓪᓗᑦᑐᓄᑦ ᐊᐃᑦᑐᕐᓗᐃᒍᑎᓂᓪᓗ “ᐱᓕᕆᔩᑦ ᑲᒪᔩᑦ”
- ᐃᒻᒥᓃᖅᑕᐃᓕᒪᑎᑦᑎᓇᓱᐊᕐᓂᖅ
- ᓄᓇᓕᓐᓂᑦ ᐊᕕᑦᑐᖅᓯᒪᔪᓂᓪᓗ ᒪᒥᓴᖅᑏᑦ ᑲᑎᖃᑦᑕᕐᓂᖏᑦ
